काबुल : फगानिस्तानमा एक महिला पत्रकार मलाला मइवान्दको गोली हानी हत्या भएको छ । मलाला एनिकास टिभी र रेडियोमा कार्यरत थिइन् ।
देशको पूर्वी भागस्थित जलालावादमा रहेको पत्रकार मलालाको निजी निवासमै बिहीबार अज्ञात समूहले गोली हानी हत्या गरेको स्थानीय मिडियाले जनाएका छन् ।
गाडीमै आक्रमण भएको बताइएको छ । यस क्रममा उनका चालक समेत मारिएका छन् । आक्रमणको जिम्मेवारी अहिलेसम्म कसैले पनि लिएको छैन । तर आक्रमणपछि आक्रमणकारीलाई पक्राउ गर्न असमर्थ रहेको सरकारी अधिकारीहरुले जनाएका छन् ।
पत्रकार मलालाकी आमा समेत एक अभियन्ता थिइन् । उनी पनि ५ वर्षअघि गोली प्रहारबाट मारिएकी थिइन् । मइवान्दको हत्याप्रति दुख व्यक्त गर्दै विभिन्न संघ संस्था र उच्च पदस्थ व्यक्तिहरुले श्रद्धान्जली दिएका छन् ।
पछिल्लो समय कोरोना महामारीका बावजुद अफगानिस्तानका विभिन्न स्थानमा सशस्त्र समूहको आक्रमण र सुरक्षाकर्मीको कारवाहीको क्रम बढेको छ ।
प्रतिक्रिया दिनुहोस !
