लिङ्देनको स्वास्थ्य अवस्था बुझ्न कमल थापा अस्पतालमा
मंसिर २६, २०७७ शुक्रबार १२:२४:०
काठमाडौं : राष्ट्रिय प्रजातन्त्र पार्टी (राप्रपा) का अध्यक्ष कमल थापा सांसद राजेन्द्र लिङदेनको स्वास्थ्य अवस्था बुझ्न मेडिसिटी अस्पताल पुगेका छन्। राप्रपका नेता तथा सांसद लिङदेन अस्वस्थ भएपछि मेडिसिटी भर्ना भएका छन्।
अस्पतालका डाक्टर दिप्तेश अर्याल र सिइयो पंकज बास्कोटाले अध्यक्ष थापालाई लिङ्देनको पछिल्लो स्वास्थ अवस्थाबारे जानकारी गराएका छन्। अस्पतालले दिएको जानकारी अनुसार सांसद लिङ्ग्देनको स्वास्थ अवस्थामा उल्लेख्य सुधार भएको छ। उनको पुनः कोभिड परीक्षणका लागि स्वाब लिइएको छ।
अस्पताल श्रोतका अनुसार अहिले अक्सिजन दिन परेको छैन।
पार्टी अध्यक्ष डाक्टर प्रकाशचन्द्र लोहनी पनि लिङ्देनको स्वास्थ्य अवस्था बुझ्न अस्पताल पुगेका राप्रपा सचिवालय सदस्य राजाराम बर्तौलाले जानकारी दिए।
प्रतिक्रिया दिनुहोस !
