मुम्बई : सन् २०१७ मा मिस वल्र्ड विजेता बलिउड नायिका मानुषी छिल्लर आजकल कुनै न कुनै कारणले चर्चामा छाइरहन्छिन्। हालै एयरपोर्टमा देखिएकी उनले आफूले लगाइरहेको टिसर्टबाट प्राइस ट्याग हटाउन बिर्सिएकी थिइन्।
सो कुरा सामाजिक सञ्जालका प्रयोगकर्ताले देखे र उनलाई ट्रोल गर्न थाले।एयरपोर्टबाट निस्किनेबित्तिकै मानुषीले प्रशंसकलाई हात हल्लाउँदै ‘हेलो’ भनिन्। हतारमा रहेकी उनलाई क्यामराले पछ्याइरहे। उनी जब पछाडि फर्किइन्, तब उनको कालो टिसर्टबाट ट्याग निस्किरहेको देखिएको थियो।
एक प्रयोगकर्ताले उनलाई ट्रोल गर्दै लेखे, ‘ट्याग लगाएर कहाँ जाँदै छौ ?’ यस्तै अर्काले लेखे, ‘लगाएर सायद फिर्ता गर्ने सोचमा होलिन्।’ अर्का एक प्रयोगकर्ताले लेखे, ‘ट्याग हटाउने पनि समय छैन उनीसँग।’ यस्तै अर्का एकजनाले लेखे, ‘ट्याग त हेर्नुहोस् म्याडमजी।’ साथै, अर्काले लेखे, ‘ट्याग त राखिरहेकी छौ।’
मानुषी फिल्म ‘पृथ्वीराज’ मार्फत अक्षय कुमारसँग बलिउडमा डेब्यु गर्दै छिन्। यो फिल्म राजा पृथ्वीराज चौहानको जीवनीमा आधारित छ। उनी सो फिल्मको भूमिकाले निकै उत्साहित छिन्।
प्रतिक्रिया दिनुहोस !
