काठमाडौं : गायक रामचन्द्र काफ्ले र गायिका जुनु रिजालको पछिल्लो सांगीतिक प्रस्तुति ‘वनचौंरी’ गीतको म्युजिक भिडियोको प्रिमियर चितवनमा गरिएको छ।
भरतपुरको सीजी सिनेप्लेक्समा म्युजिक भिडियोको प्रिमियर गरिएको हो। प्रिमियर कार्यक्रमको प्रमुख अतिथि वरिष्ठ चलचित्रकर्मी ऋद्धिचरण श्रेष्ठ थिए।
म्युजिक भिडियोको प्रिमियरमा उद्योग वाणिज्य संघ नारायणगढका अध्यक्ष राजु श्रेष्ठ, उद्योग वाणिज्य महासंघका केन्द्रीय सदस्य सहनलाल प्रधान, भरतपुर महानगरपालिका वडा नं. २१ का अध्यक्ष चित्रसेन अधिकारी, म्युजिक भिडियोका मोडल तथा नायक पल शाह, भिडियो निर्देशक विधान कार्की, नारायणी कलामन्दिरका अध्यक्ष उद्धव जोशीलगायतको उपस्थिति थियो। ‘वनचौंरी’ गीतलाई दर्शकले गायक काफ्लेको आफ्नै युट्युब च्यानलबाट हेर्न पाउनेछन्। गीतमा रामचन्द्र काफ्ले र जुनु रिजालको स्वर र राजकुमार बगरको शब्द र संगीत रहेको छ। महाराज थापाले एरेन्ज गरेको गीतको म्युजिक भिडियो विधान कार्कीले निर्देशन गरेका हुन्। नेप्सिने कम्पनीले निर्माण गरेको भिडियोमा रियाशा दाहाल र पल शाहको अभिनय छ।
भिडियोमा छायांकन उत्सव दाहाल, नृत्य निर्देशन सुरेन्द्र बसेल र सम्पादन विकास दाहालको रहेको छ।
प्रतिक्रिया दिनुहोस !
