मुम्बई : बलिउड अभिनेत्री ऋचा चड्डा केही समयदेखि नयाँ फिल्म ‘सकिला’ का कारण चर्चामा छिन्। अहिले उनको यो फिल्मको ट्रेलर रिलिज भएको छ। ट्रेलरमा ऋचा एडल्ट स्टार सकिलाको भूमिकामा देखिँदै छिन्।
इन्द्रजित लंकेशको निर्देशनमा बनेको फिल्म एडल्ट स्टार सकिलाको जीवनीमा आधारित छ। उनले ९० को दशकमा दक्षिण भारतीय सिनेमा उद्योगमा ठूलो नाम कमाएकी थिइन्। ट्रेलरको सुरुआतमा सकिलाको भूमिका निर्वाह गर्ने पात्र भन्छ, ‘एक समय थियो जब म पनि स्कुल जान्थें। ठूलो भएपछि विवाह गर्नेभन्दा मेरो अर्को सपना थिएन।’ फिल्ममा सकिला एक सामान्य युवतीबाट एडल्ड स्टार कसरी बनिन् भन्ने देखाइएको छ। ट्रेलरमा पंकज त्रिपाठीको पनि एक झलक देखिन्छ। उनले फिल्ममा एक सुपरस्टारको भूमिका निर्वाह गरेका छन्। उनी दुनियाँको अगाडि आदर्श व्यक्ति हुन् तर पर्दा पछाडिको उसको क्रियाकलाप कसैलाई जानकारी हुँदैन।
‘सकिला’ को ट्रेलरलेधेरै पटक विद्या बालनको फिल्म ‘डर्टी पिक्चर’ को सम्झना गराउँछ जसमा उनले सिल्क स्मिताको भूमिका निर्वाह गरेकी थिइन्।
प्रतिक्रिया दिनुहोस !
