इन्डोनेसियाका राष्ट्रपतिले कोरोनाको खोप लगाए, सबै जनतालाई निशुल्क बाँड्ने प्रतिवद्धता
जकार्ता: इन्डोनेसियामा पहिलो पटक राष्ट्रपति जोको वीडोडोले कोभिड १९ विरुद्धको खोप लगाएका छन् ।
बुधबार राष्ट्रपतिले खोप लगाएसँगै अब आम नागरिकले पनि खोप लगाउन पाउने भएका छन् । राष्ट्रपतिले यसबाट खुसी भएको प्रतिक्रिया दिँदै सबै जनताले अब निशुल्क खोप लगाउन पाउने बताए ।
राष्ट्रपति वीडोडोले भनेका छन्, 'कोरोनाविरुद्धको खोप सबै नागरिकले निःशुल्क लगाउन नपाउने छन् । यसमा सबै ढुक्क हुनुहोला, तपाईँ सबैले निःशुल्क खोप लगाउन पाउनु हुनेछ ।'
विश्वकै चौथो धेरै जनसंख्या भएको इन्डोनेसियामा कोरोनाबाट अहिलेसम्म झण्डै २० हजारको मृत्यु भइसकेको छ । यस्तै साढे ६ लाख यसबाट सङ्क्रमित भएका छन् ।
प्रारम्भिक चरणमा वृद्ध र जोखिममा रहेकालाई मात्रै खोप दिइने भने पनि अब खोप आवस्यकता भएका सबै नागरिकलाई निशुल्क वितरण गरिने बताइएको छ । सरकारको यस्तो कदमको प्रशंसा पनि गरिएको छ । अन्तर्राष्ट्रिय मिडियाका अनुसार इन्डोनेसियाले ३५ करोड डोज खोप खरिद गर्दैछ ।