काठमाडौं : बिहीबार काठमाडौं उपत्यकामा थप ३६३ जनामा कोरोना भाइरस (कोभिड-१९) संक्रमण देखिएको छ। १५२ महिला र २११ पुरुषसहित ३६३ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा ७७६ जनामा कोरोना भाइरस (कोभिड-१९) संक्रमित थपिएका छन्। स्वास्थ्य तथा जनसंख्या मन्त्रालयका अनुसार नयाँ थपिएकासहित कोरोना संक्रमितको संख्या २ लाख ५१ हजार ६९२ पुगेको छ। संक्रमित हुनेमा ३०८ महिला र ४६८ पुरुष छन्।
६ हजार ५८८ स्वाबको पीसीआर परीक्षण गराउँदा ७७६ जनामा संक्रमण देखिएको मन्त्रालयले जनाएको छ। यस्तै बिहीबार ९४७ जना डिस्चार्ज भएका छन्। योसहित कोरोना जित्नेको संख्या २ लाख ४० हजार ३६३ पुगेको स्वास्थ्य मन्त्रालयले जनाएको छ। मन्त्रालयका अनुसार निको हुनेको दर ९५.५ प्रतिशत हो।
देशभर सक्रिय संक्रमितको संख्या ९ हजार ५८० रहेको छ। अहिलेसम्म कोरोनाबाट मृत्यु हुनेको संख्या १७ सय ४९ पुगेको मन्त्रालयले जनाएको छ। बिहीबार मात्र कोरोनाबाट थप ६ जनाको मृत्यु भएको छ।
यस्तै अहिले ४४४ जना क्वारेन्टिन र ९ हजार ५८० आइसोलेसनमा रहेको मन्त्रालयले जनाएको छ। कोरोनाका गम्भीर २८१ जनाको आइसीयूमा र ५९ जनाको भेन्टिलेटरमा उपचार भइरहेको छ।
प्रतिक्रिया दिनुहोस !
