काठमाडौं : गायक सुनील कटुवाल र गायिका समीक्षा अधिकारीको स्वरमा नयाँ गीत ‘केटो अलि कमाउने होस्’ सार्वजनिक गरिएको छ।
दिग्गज धौरालीको शब्द रहेको गीतमा अर्जुन पोखरेलको संगीत छ।
गीतको भिडियोमा मोडल सुधीर श्रेष्ठ र श्रेया सिटौलासँगै अजय मगर र अस्मिता अधिकारीलाई देख्न सकिन्छ। उत्सव दाहालले खिचेको भिडियो विधान कार्कीले निर्देशन गरेका हुन्। भिडियो विशाल इन्टरटेनमेन्टको युट्युबमा हेर्न सकिन्छ।
राजधानीमा पत्रकार भेटघाट कार्यक्रम गरी सार्वजनिक गरिएको भिडियो नेप्सिनेको ब्यानरमा निर्माण भएको हो। गायक सुनीलले यो गीतबाट ठूलो आशा लिएको बताए। उनी यसअघिका गीतजस्तै दर्शकले मन पराउनेमा आशावादी छन्।
सुनीलले गाएका दर्जनौं गीतमध्ये ‘कपुरी क’, ‘ताराबाजी लैलै’ बोलको गीत चर्चित छन्। यस्तै दुई महिना अघिमात्रै सुनीलका ‘मुखैमा राम राम’ र ‘डिजिटल फोटो’ गीत सार्वजनिक भएका थिए।
प्रतिक्रिया दिनुहोस !
