काठमाडौं : शुक्रबार काठमाडौं उपत्यकामा थप २८७ जनामा कोरोना भाइरस (कोभिड-१९) संक्रमण देखिएको छ। १२१ महिला र १६६ पुरुष गरी २८७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा उपत्यकाका २८७ सहित ७८२ जनामा कोरोना भाइरस (कोभिड-१९) संक्रमित थपिएका छन्। स्वास्थ्य तथा जनसंख्या मन्त्रालयका अनुसार नयाँ थपिएकासहित कोरोना संक्रमितको संख्या २ लाख ५२ हजार ४७४ पुगेको छ। ५ हजार ७०६ स्वाब नमूनाको पीसीआर परीक्षण गराउँदा ७८२ जनामा संक्रमण देखिएको मन्त्रालयले जनाएको छ।
संक्रमित हुनेमा ३०५ महिला र ४७७ पुरुष छन्। यस्तै शुक्रबार १ हजार २९ जना डिस्चार्ज भएका छन्। योसहित कोरोना जित्नेको संख्या २ लाख ४१ हजार ३९२ पुगेको स्वास्थ्य मन्त्रालयले जनाएको छ।
मन्त्रालयका अनुसार निको हुनेको दर ९४.६प्रतिशत हो।देशभर सक्रिय ९ हजार ३१७ संक्रमितको संख्या रहेको छ। अहिलेसम्म कोरोनाबाट मृत्यु हुनेको संख्या ४२७ पुगेको मन्त्रालयले जनाएको छ। शुक्रबार मात्र कोरोनाबाट थप १६ जनाको मृत्यु भएको छ।
यस्तै अहिले ४२७ जना क्वारेन्टिन र ९ हजार ३१७ आइसोलेसनमा रहेको मन्त्रालयले जनाएको छ। कोरोनाका गम्भीर २८३ जनाको आइसीयूमा र ४९ जनाको भेन्टिलेटरमा उपचार भइरहेको छ।
प्रतिक्रिया दिनुहोस !
