काठमाडौं : गायक रेशम पुनको स्वर रहेको ‘ए मेरी जुरेली’ बोलको गीत म्युजिक भिडियोसहित सार्वजनिक भएको छ। लोकपप शैलीमा तयार गरिएको गीतमा शब्द तथा संगीत रेशमकै छ। पुरुषोत्तम न्यौपानेले एरेन्ज गरेका हुन्।
श्रीपेज टीभीले निर्माण गरेको म्युजिक भिडियोको निर्देशन प्रकाश देवकोटाले गरेका हुन्। ललितपुरका विभिन्न स्थानमा छायांकन गरिएको गीतमा सविना राउत, दिलीप खड्का र बालकलाकार उत्सव बस्नेतको अभिनय छ। केशव अधिकारीको छायांकन, सविना राउतको कोरियोग्राफी रहेको भिडियोको सम्पादन धीरज खड्काले गरेका हुन्।
भिडियोमा निम्न वर्गको प्रेमकथा चित्रण गरिएको छ। रिसाएकी प्रेमिका फकाउन मागेर ल्याएको नयाँ लुगामा ठाँटिएर नाच्न नजाने पनि जसोतसो नाच्ने एउटा प्रेमीको अथक प्रयास भिडियोमा देखाइएको छ।
प्रतिक्रिया दिनुहोस !
