मुम्बई : बलिउड अभिनेत्री नीतु चन्द्राको हातमा हलिउडको ठूलो फिल्म परेको छ। उनलाई नेभर बैंक डाउनको मल्टी स्टारर फ्रेन्चाइजीमा रोल प्राप्त भएको हो।
फिल्मको शीर्षक ‘नेभर बैंक डाउन ः रिभोल्ट’ राखिएको छ। केली मैडिसनद्वारा निर्देशित तथा सोनी मोसन पिक्चर्स वल्र्डवाइड र मान्डले पिक्चर्सद्वारा निर्मित ‘नेभर बैंक डाउन ः रिभोल्ट’ अपहरण भएकी एक महिलामाथि बनेको फिल्म हो। नीतुले भनिन्, ‘म वस्तुतः कुनै कामको प्रतीक्षा गरिरहेको थिएँ, जसमा काम देखाउने पूर्ण अवसर प्राप्त होस्। यो अवसर प्राप्त भएकोमा म धेरै उत्साहित छु।’ ‘मान्डले फिल्मका निर्माता डेबिड जेलनले मलाई नेभर बैंक डाउन–४ सोनी मोसन पिक्चर्सपछि बायजको स्क्रिनिङमा यसको अफर गरेका हुन्। जब उनलाई म तेक्वान्दोकी ब्ल्याकबेल्ट हुँ र भारतको तीन पटक प्रतिनिधित्व गरिसकेकी छु भन्ने थाहा भयो, अनि मैले यो अवसर पाएँ’, उनले भनिन्।
उनले निर्देशक केलीलाई धन्यवाद दिएकी छन्। ‘दर्शक मलाई यो रूपमा देखेर आश्चर्यचकित हुनेछन्’, उनले भनिन्। नीतुले यसअघि ‘गरम मसला’, ‘ओए लकी लकी ओए’, ‘रण’, ‘१३ बी’, ‘ट्राफिक सिग्नल’ आदि फिल्ममा काम गरेकी छन्।
प्रतिक्रिया दिनुहोस !
