काठमाडौं : राष्ट्रिय परीक्षा बोर्डले २०७८ सालको एसईई परीक्षाका लागि रजिष्ट्रेसन फाराम खुला गरेको छ।
बोर्डले कक्षा ९ मा अध्ययनरत विद्यार्थीले एसईई परीक्षामा सामेल हुनका लागि बिहीबारदेखि माघ २१ गतेसम्म रजिष्ट्रेसन फाराम भरिसक्न सूचित गरेको छ।
सम्बन्धित विद्यालयले आफ्ना विद्यार्थीको नामथर, जन्ममिति, आमाबुवाको नाम ठीकसँग भरे नभरेको रुजु गरी माघ मसान्तभित्र बोर्डमा पठाउन पनि भनिएको छ।
रजिष्ट्रेसन फारामका लागि ३ सय रुपैयाँ शुल्क तोकिएको छ। विद्यालयले आपना विद्यार्थीले भरेको रजिष्ट्रेसन फारम रुजु गरी माघ मसान्तभित्र सम्बन्धित शिक्षा विकास तथा समन्वयमा पठाउनु पर्ने बोर्डले जनाएको छ।
प्रतिक्रिया दिनुहोस !
