काठमाडौं : विश्व हिन्दी दिवसका अवसरमा साहित्यकार वीणा सिन्हा पुरस्कृत भएकी छन् । विश्वमा हिन्दीको सबैभन्दा ठूलो संस्था विश्व हिन्दी सचिवालयले मौरिससमा गरेको एक कार्यक्रममा व्यंग्य विधामा सिन्हा पुरस्कृत भएकी हुन् । सिन्हा द पब्लिकको सम्पादक तथा नेपाल प्रज्ञा–प्रतिष्ठानको प्राज्ञ सभासद् हुन् ।
मौरिसस विश्व हिन्दी सचिवालयले सन् २०२० मा आयोजना गरेको अन्तर्राष्ट्रिय हिन्दी व्यंग्य प्रतियोगितामा सिन्हाले एसिया क्षेत्रबाट प्रथम पुरस्कार हासिल गरेकी हुन् । पुरस्कारको रकम ३ सय डलर छ । अफ्रिका र मध्यपूर्व, अमेरिका, एसिया र अस्ट्रेलिया (भारतका अतिरिक्त) तथा युरोप गरी ५ क्षेत्रमा प्रतियोगी छनोट गरिएको थियो ।
प्रतिक्रिया दिनुहोस !
