काठमाडौं : गायिका रचना रिमाल र प्रविन बेडवालको स्वरमा रहेको नयाँ गीत ‘तिमी कस्की छोरी’को भिडियो सार्वजनिक भएको छ ।
शुक्रबार सार्वजनिक गरिएको गीतका शब्द लोकप्रिय गीतकार तथा संगीतकार दीपक शर्माका हुन् । जसमा संगीत पनि शर्माले नै भरेका छन् । जसमा पछिल्लो समयकी चर्चित नायिका सुरक्षा पन्तको अभिनय देख्न सकिन्छ । भिडियोमा सुरक्षाका प्रेमिको रुपमा शम्भु घिमिरे देखिएका छन् ।
पछिल्लो समय पर्यटकीय गन्तव्य बन्दै गएको तनहुँको बन्दीपुरको रामकोटगाउँमा छायांकन गरिएको दृश्यमा सुरक्षा गाउँले युवतीको अवतारमा देखा परेकी छिन् ।
आरोन अशोककुमारको छायांकन रहेको भिडियोको सम्पादन निर्देशक लक्ष्मण सुनारकै रहेको छ । नरेन्द्र वियोगीको एरेन्ज रहेको गीतको मिक्स मास्टरिगं साजन शाहले गरेका हुन् ।
प्रतिक्रिया दिनुहोस !
