काठमाडौं : पुरु राईको लेखन तथा निर्देशन रहेको लघु चलचित्र ‘सहारा’ सार्वजनिक भएको छ। कोरोना कहरको विषयमा केन्द्रित रही निर्माण गरिएको चलचित्रमा बेरोजगार तथा मानिसबीचको सम्बन्धमा परेको असर देखाइएको छ। चलचित्रमा ध्रुव दत्त, सिर्जना निंगलेकु, पुरु राईलगायतको अभिनय छ।
कोरोना भाइरस (कोभिड–१९) का कारण बढेको बेरोजगारी, बेरोजगारीका कारण उत्पन्न भएको विभिन्न समस्या उठाइएको निर्देशक राईले बताए। ‘सहारा’ मा छायांकन, सम्पादन कुशल श्रेष्ठ, स्वर संगीत आशिष राज, ब्याकग्राउन्ड म्युजिक र कलर नवीन निरौलाको छ।
टु वाईको ब्यानरमा निर्माण भएको ‘सहारा’ अभिनेत्री सिर्जना निंगलेकुको युट्युब च्यानलमार्फत सार्वजनिक गरिएको छ।
प्रतिक्रिया दिनुहोस !
