काठमाडौं : र्यापर राजेन्द्र भट्ट (मिस्टर आरजे) को नयाँ गीत ‘माकुरी’ दर्शक श्रोतामाझ आएको छ। समीर आचार्य र रोशनी थापाको स्वर रहेको गीतमा मिस्टर आरजेको र्याप छ। शब्द नवराज कलाउनीको छ भने मिस्टर आरजेले नै संगीत भरेका छन्। गीतको एरेन्ज मोहित मुनालले गरेका हुन्।
गीतको भिडियोमा पछिल्लो समयका लोकप्रिय कलाकारलाई अभिनय गराइएको छ।
युट्युबका सिरिजमा मन पराइएका जिवेश गुरुङ, प्रयांक गरेर चर्चामा आएका एलिस राई, यस्तै हास्य टेलिसिरियल सक्किगोनीका कलाकार हरिश निरौला (कक्रोच), मोडल उषा उप्रेती र टुइन्स गर्ल समारिका र स्मारिका ढकालको अभिनय छ। भिडियोमा मिस्टर आरजेको पनि अभिनय छ।
गीतमा गायिका रोशनीको लगानी छ। यसअघि केही गीत गाएकी रोशनीले मिस्टर आरजेको टिमसँग काम गर्न पहिलेदेखि इच्छा भएको र अहिले सपना पूरा भएको बताइन्। पोस्ट प्रोडक्सनको काम नेप्सिने फिल्म स्टुडियोले गरेको हो भने भिडियो निर्देशन विधान कार्कीले गरेका हुन्। विधानले निर्देशन गरेका एकपछि अर्को भिडियोले तारिफ पाइरहेका छन्। भिडियो हरि हुमागाईंले खिचेका हुन् भने विकास धमलाले सम्पादन गरेका छन्।
प्रतिक्रिया दिनुहोस !
