काठमाडौँ: गायक दिल तामाङले आफ्नो म्युजिक भिडियो 'नाचिदेउ बसन्ती'को उत्कृष्ट कभर भिडियो बनाउनेलाई एक लाख नगद पुरस्कार दिने घोषणा गरेका छन् । यसका लागि जनवरी २८ सम्म समयसीमा तोकिएको छ ।
प्रोडक्सनले आइतबार एक सूचना जारी गर्दै 'नाचिदेउ बसन्ती'को कभर भिडियो बनाइसक्नु पर्ने समय सीमा तोकेको हो । यसअघि नै नयाँ प्रतिभालाई प्रोत्साहन गर्ने उदेश्यले भिडियो निर्माता कम्पनीले गीतको कभर भिडियो बनाउने मध्ये एउटा उत्कृष्ट भिडियोलाई एक लाख नगदसहित सम्मान पनि गरिने जनाएको हो ।
गीतको भिडियोले सार्वजनिक भएको २ हप्तामै १० लाख अर्थात् १ मिलियन भ्युज पार गरिसकेको छ । भिमफेदी गाइज र एलिसा शर्माको अभिनय रहेको भिडयोलाई स्टार क्याडेटको अफिसियल युट्युब च्यानल मार्फत सार्वजनिक गरिएको थियो । गीतमा डीपी खनालको शब्द र शंकर थापा 'स्माइल'को संगीत छ । गीतको भिडियोलाई निर्मल लामाले निर्देशन गरेका हुन् ।
प्रतिक्रिया दिनुहोस !
