सिन्धुली : बनेपा–सिन्धुली-बर्दिबास (बीपी) राजमार्ग अन्तरगत सिन्धुलीमा बोलेरो दुर्घटना हुँदा एक जनाको मृत्यु घएको छ । दुर्घटनामा अर्को एकजना घाइते भएका छन् ।
बीपी राजमार्ग अन्तरगत सिन्धुलीको गोलन्जोर गाउँपालिका ५ सोलाभन्ञ्याङमा शनिबार दिउँसो ज १ च १३५४ नम्बरको बोलेरो दुर्घटना भएको हो ।
दुर्घटनामा बोलोरोमा सवार रामगोपालपुर नगरपालिका ५ कन्चनपुर महोत्तरीका वर्ष ४१ का वसन्त मुखियाको मृत्यु भएको प्रहरीले जनाएको हो ।
जिल्ला प्रहरी कार्यालय सिन्धुलीका प्रहरी प्रवक्ता तथा प्रहरी नायव उपरीक्षक श्यामबहादुर खत्रीका अनुसार दुर्घटनामा गम्भीर घाइते भएका मुखियालाई उपचारका लागि सिन्धुली अस्पताल तर्फ ल्याउँदै गर्दा बाटोमै मृत्यु भएको हो ।
प्रहरीका अनुसार एकजना घाइतेलाई सिन्धुली अस्पतालमा सामान्य उपचारपछि काठमाडौं रिफर गरिएको छ ।
सिन्धुलीबाट खुर्कोटतर्फ जाँदै गरेको बोलेरो अनियन्त्रित भएर दुर्घटना भएको प्रहरीको प्रारम्भिक अनुमान छ । बोलेरो सडकबाट २० मिटर तल खसेको छ ।
प्रतिक्रिया दिनुहोस !
