नयाँदिल्ली: भारतीय सेनाको हेलिकप्टर सोमबार साँझ दुर्घटना हुँदा पाइलटको मृत्यु भएको छ । एक जना घाइते छन् ।
भारतीय सेनाको ध्रुव हेलिकप्टर जम्मु कश्मीरमा दुर्घटनामा परेको हो । हेलिकप्टर दुर्घटनालगत्तै पाइलट गम्भीर घाइते भएका थिए ।
स्थानीय अधिकारीहरुका अनुसार सेनाको हेलिकप्टर कठुआस्थित लखनपुर इलाकामा स्थानीय समय अनुसार साँझ ७ बजेर १५ मिनेटमा दुर्घटनामा परेको हो । सोमबारको हेलिकप्टर दुर्घटनाको कारण भने खुलिनसकेको भारतीय मिडियाले जनाएका छन् ।
जम्मु कश्मी क्षेत्रमा भारतीय सेनाले पछिल्लो केही दुई वर्षयता आफ्नो सक्रियता बढाएको छ । जम्मु कश्मीरको स्वायत्तता संविधानबाट हटाउँदै भारतले एक राज्यको रुपमा गाभेपछि केन्द्र सरकारले सेनाको संख्या र सक्रियता बढाएको हो ।
प्रतिक्रिया दिनुहोस !
