जेनेभा: कोभिड विरुद्धको खोपले धनी र गरीब देशहरुबीच विभाजन बढाउँदै गइरहेको भन्दै विश्व स्वास्थ्य संगठन (डब्लूएचओ)ले चिन्ता व्यक्त गरेको छ ।
खोपको डोज वितरणमा असफलताले गर्दा विश्व अर्थव्यवस्थामा खर्बौँ डलर खर्च हुनसक्ने पनि विश्व स्वास्थ्य संगठनले जनाएको छ । सोमबार यसबारे बताइएको हो ।
साथै खोप अभियानका लागि २६ बिलियन डलर यसै वर्ष मात्रै आवस्यकता परेको पनि डब्लूएचओको भनाइ छ । खोप खरिद गर्न, वितरण गर्न, परीक्षण र उपचार लगायत काममा थप रकम आवस्यक पर्ने बताइएको हो ।
'धनी देशहरुले खोप वितरण गरिरहेका छन् । जबकि विश्वका विपन्न देशहरुले हेर्दैछन् र पर्खिँदैछन्,' डब्लूएचओका प्रमुख टेड्रोस अधानम घेब्रेससले भनेका छन्, 'हरेक दिन यसले विश्वलाई हुने र नहुनेबीच विभाजन झन् बढाउँदैछ,' पत्रकार सम्मेलनको क्रममा टेड्रोसले भने ।
प्रतिक्रिया दिनुहोस !
