सन्धिखर्क : शितगंगा नगरपालिकाका एक बाबुमाथि छोरीको हत्या गरेको आरोप लागेको छ ।
शितगंगा–२, झिर्रामा स्थानीय २४ वर्षीय सन्तोष घिमिरेले आफ्नै दुई वर्षीय छोरी सृष्टि घिमिरेको रसीले घाँटी थिंचेर हत्या गरेको आरोप लागेको हो ।
जिल्ला प्रहरी कार्यालयका सूचना अधिकारी रामनारायण गुप्ताका अनुसार घरमा बावुछोरी मात्र भएको अवस्थामा प्लास्टिकको डोरीले घाँटी थिंचिएको पाइएको छ ।
ईलाका प्रहरी कार्यालय ठाडाको टोलीले हत्यारालाई नियन्त्रणमा लिएको र थप अनुसन्धान भइरहेको उनको भनाइ छ ।
विगत केही समयदेखि श्रीमानसँगको विवादले श्रीमती माइतमा बस्दै आएकी थिइन् । बावुसंग बसेकी छोरीको हत्या भएपछि प्रहरीले अनुसन्धान सुरु गरेको छ ।
प्रतिक्रिया दिनुहोस !
