लण्डन: हङकङमा रहेका लाखौँ नागरिकलाई बेलायत सरकारले भिसा उपलब्ध गराउने घोषणा गरेको छ ।
चीनले हङकङमा राष्ट्रिय सुरक्षा कानून लागू गरेपछि ठूलो संख्यामा हङकङका नागरिकहरु देश छाड्न तयार भएपछि बेलायतले यस्तो अवसर दिएको हो । बेलायतमा आफन्त तथा परिवारका सदस्य भएका हङकङ निवासी नागरिकले पनि बेलायतमा आवेदन दिनसक्ने बताइएको छ ।
हङकङलाई बेलायतले १९९७ मा मात्रै चीनलाई हस्तान्तरण गरेको थियो । हाल हङकङ चीनसँग 'दुई देश एक प्रशासन'को हैसियतमा रहँदैआएको छ । तर पछिल्लो समय हङकङ छाड्न चाहेको भन्दै ठूलो संख्यामा नागरिकहरुले निवेदन दिने क्रम बढेको छ ।
हङकङका नागरिकलाई बेलायतले नयाँ अवसर घोषणा गरेसँगै चीन भने उसको घोषणा प्रति आक्रोशित बनेको छ । बेलायतको प्रस्तावलाई चीनले उसको औपनिवेशिक मानसिकता भन्दै हङकङलाई आफ्नै क्षेत्रको रुपमा व्याख्या गरेको छ ।
हङकङको विषयलाई लिएर चीन र बेलायतबीच तिक्तता बढ्दैगरेको छ । तर बेलायतले भने उपनिवेशको अवधिमा रहेका हङकङका नागरिकहरुप्रति आफ्नो विशेष जिम्मेवारी रहेको जनाएको छ ।
प्रतिक्रिया दिनुहोस !
