इन्टरनेट प्रतिबन्धका बाबजुद म्यान्मारमा सेनाको ‘कू’विरुद्ध हजारौँको प्रदर्शन
माघ २५, २०७७ आइतबार १२:६:०
म्यान्मार : सेनाको ‘कू’ विरुद्ध म्यान्मारको मुख्य सहरमा हजारौँ प्रदर्शनकारी एक ठाउँमा भेला भएका छन् । गिरफ्तार गरिएकी नेतृ आङ सान सु कीको रिहाइ माग गर्दै सबभन्दा ठुलो सहर यङगनमा प्रदर्शनकारीहरू भेला भएका हुन् ।
प्रदर्शनको दोस्रो दिन सहरका विभिन्न भागमा ‘हामी सैनिक तानाशाह चाहन्नौँ ! प्रजातन्त्र चाहन्छौँ’ जस्ता नारा लगाउँदै प्रदर्शन भइरहेका छन् । प्रदर्शनकारीले नेतृ सु कीको पार्टी नेशनल लिग फर डेमोक्रेसीको झण्डा र उनको तस्बिर बोकेको अन्तर्राष्ट्रिय सञ्चारमाध्यमले जनाएका छन् ।
प्रदर्शनकारीहरूले ‘सैनिक तानाशाहको अन्त्य र प्रजातन्त्र प्राप्त नभएसम्म’ निरन्तर आन्दोलनलाई जारी राख्ने बताएका छन् ।
म्यान्मारमा सोमबार सेनाले सत्ता कब्जामा लिँदै एक वर्षका लागि संकटकाल घोषणा गरेको छ । त्यसको विरोधमा शनिबारदेखि आन्दोलनकारी सडकमा आएका छन् ।
प्रतिक्रिया दिनुहोस !
