रंगुन: म्यानमारमा सैन्य 'कू' को विरुद्धमा हजारौँ नागरिकहरु आन्दोलित भएका छन् ।
४० जनाबाट सुरु भएको सडक प्रदर्शनमा अहिलेसम्म दशौँ हजार नागरिक सहभागी भएका छन् । र उक्त परदर्शन बढ्दैगएको छ । स्थानीय मिडियाका अनुससार राजधानी रंगुनका सडकमा अहिले जनसागर उत्रिएको छ । तर प्रदर्शन शान्तिपूर्ण भइरहेको बताइएको छ ।
साथै प्रदर्शनकारी र सुरक्षाकर्मीहरु दुबै पक्ष संयमित देखिएका छन् । निर्वाचित सरकारलाई सेनाले असंवैधानिक रुपमा कब्जा गरेकोमा नागरिक आन्दोलित भएका हुन् । सेनाले नेत्री आन सान सू चीसहित अरु केही प्रभावशाली नेताहरुलाई पक्राउ समेत गरेको छ ।
राजधानीमा आइतबार बिहान निस्केको जुलुसका सहभागीले सांसदलाई थुनेर राखिएको सरकारी निवास नजिकै परिक्रमा गर्दै नारावाजी समेत गरेका थिए। 'सैनिक शासन मान्य छैन' जस्ता नारावाजी उनीहरुले लगाएका थिए ।
निर्वाचनमा धाँधली भएको भन्दै सेनाले गत साता 'कू' गरेको हो । साथै सैन्य सरकारले एक वर्षका लागि संकटकाल समेत घोषणा गरिसकेको छ ।
प्रतिक्रिया दिनुहोस !
