कायरो : इजिप्टले कुनै कसुर विना नै चार वर्षभन्दा अघिदेखि बन्दी बनाएर राखेको अल जजीराका पत्रकार महमुद हुसेनलाई रिहा गरेको छ ।
२०१६ को डिसेम्बरदेखि नै हुसेनलाई थुनामा राखेको इजरायल सरकारले यही शनिबार रिहा गरेको हो । अलजजीराले भने विज्ञप्ति निकाल्दै यस क्षणलाई सत्यको एक क्षण र प्रेस स्वतन्त्रताका लागि प्रेरणादायी कोषेढुंगा भनी टिप्पणी गरेको छ ।
अलजजीरा मिडिया नेटवर्कले महमुदको स्वतन्त्रताको खबरलाई स्वागत गर्ने र उनको जस्तो अरु पत्रकारले भोग्न नपर्ने जनाएको छ ।
साथै हुसेनको परिवारका सदस्यले उनको रिहाइमा खुसी व्यक्त गर्दै स्वागत गरेका छन् । छोरीले सामाजिक सञ्जालमा आफ्नो पिताको रिहाइको निर्णय लागु भएकोमा खुसी व्यक्त गरिन् ।
९ सन्तानका बाबु समेत रहेका हुसेनले दशक भन्दा लामो सक्रिय पत्रकारितामा छन् । केही वर्षसम्म अलजजीराका लागि स्वतन्त्र रुपमा रिपोर्टिङड गरेका उनी २०१० मा पूर्णकालीन रिपोर्टरको रुपमा काम गर्न थालेका थिए । सुरुमा इजिप्टको कायरोमा र पछि उनले दोहाबाट काम गरेका हुन् ।
५४ वर्षीय हुसेन २०१६ को डिसेम्बर २३ मा कायरोमा पक्राउ परेका हुन् । बिदाको बेला परिवारका सदस्यहरुसँग भेटाघाट गरिरहेका बेला उनी पक्राउ परेका थिए ।
प्रतिक्रिया दिनुहोस !
