उदयपुर: उदयपुरको बेलका नगरपालिका ५ मा टिपरको ठक्करबाट एक साइकल यात्रीको मृत्यु भएको छ ।
बुधबार साँझ ६ बजे ना ७ ख ६८९५ नम्बरको टिपरको ठक्करबाट घाइते भएका सोही ठाउँका ४१ वर्षीय खड्गबहादुर बिकको बिहीबार विराटनगरको नर्सिङ होममा उपचारको क्रममा मृत्यु भएको हो ।
साइकलमा सवार बिक र टिपर दुबै पूर्वतर्फ जाँदै गरेको अवस्थामा एक्कासी पछाडीबाट टिपरले ठक्कर दिएको जिल्ला प्रहरी कार्यालयको अनुसन्धानमा खुलेको छ ।
जिप्रकाका डिएसपी बेदप्रसाद गौतमका अनुसार दुर्घटना लगत्तै घाइतेलाई उपचारका लागि विराटनगर पुर्याएइको थियो ।
प्रहरीले टिपर र चालक त्रियुगा नगरपालिका १३ भातीखर्कका ३७ वर्षीय सुरज लामालाई इलाका प्रहरी कार्यालय रामपुर ठोक्सिलाले नियन्त्रणमा लिइ थप अनुसन्धान गरिरहेको जनाएको छ ।
प्रतिक्रिया दिनुहोस !
