नुवाकोट : दुर्घटनामा परेर रसुवामा कार्यरत एकजना प्रहरीको ज्यान गएको छ । कालिका गाउँपालिकास्थित एक खोलामा भएको मोटरसाइकल दुर्घटनामा अस्थाई प्रहरी चौकी ग्राङ रसुवामा कार्यरत प्रहरी जवान इन्द्रप्रसाद अर्यालको मृत्यु भएको जिल्ला प्रहरी कार्यालय रसुवाले जनाएको छ।
अस्थाई प्रहरी पोस्ट ग्राङ फर्किने क्रममा प्रहरी जवान र प्रहरी हवल्दार चढेको मोटरसाइकल कालिका गाउँपालिका १ स्थित सेतीभुमे मावि नजिकै दुर्घटना भएको हो ।
प्रदेश ३–००१ प ३३७५ नम्बरको मोटरसाइकल दुर्घटनामा परेर गम्भीर घाइते भएका प्रहरी जवान अर्यालको उपचारको क्रममा नुवाकोट जिल्ला अस्पताल त्रिशूलीमा निधन भएको रसुवा प्रहरी प्रमुख तथा प्रहरी नायव उपरीक्षक देवेन्द्र पाण्डेले जानकारी दिए ।
उनका अनुसार दुर्घटनामा घाइते प्रहरी हवाल्दार नुवाकोट घर भएका राजेन्द्र लामाको उपचार भइरहेको छ । दुर्घटनाको थप अनुसन्धान भइरहेको छ । घाइते लामाको नेपाल प्रहरी अस्पताल काठमाडाँैमा उपचार भइरहेको डीएसपी पाण्डेले जानकारी दिए ।
प्रतिक्रिया दिनुहोस !
