काठमाडौं : वासुदेव केसीको नयाँ म्युजिक भिडियो ‘टुना मुना’ सार्वजनिक भएको छ। एल्बम ‘राइजिङ सन’ को ‘यो मौसम’ बोलको गीतबाट सांगीतिक क्षेत्रमा प्रवेश गरेका गायक केसीको ‘टुक्रिनु थियो’, ‘ओ प्रिय’ लगायतका गीत समेत समावेश छन्। सार्वजनिक गीत सोही एल्बमको चौथो गीत हो।
गीतमा गायक केसीसँगै ‘पिच रोड, ’तीनपाते’ जस्ता चर्चित गीतकी गायिका विद्या तिवारीको स्वर रहेको छ। गीतमा शब्द तथा संगीत हरि लम्सालको छ। गीतको भिडियोमा मोडल जेबिका कार्की र राजीव थापाको अभिनय रहेको छ। मिलन एक्स तामाङ र मन्दीप बखुंछेले छायांकन गरेको भिडियोका निर्देशक मन्दीप हुन् भने सुप्रिम पराजुलीले सम्पादन तथा कलर करेक्सन गरेका छन्। भिडियोको कन्सेप्ट मनोज सापकोटाले तयार पारेका हुन्।
प्रतिक्रिया दिनुहोस !
