भागरथी हत्या प्रकरण : चार दिनदेखि अभियुक्तमाथि अनुसन्धान केन्द्रित
फागुन ५, २०७७ बुधबार ८:४५:०
धनगढी : बैतडीको दोगडाकेदार गाउँपालिका चडेपानीकी १७ वर्षीया भागरथी भट्टको हत्यामा संलग्न भएको आरोपमा उनकै छिमेकी किशोर पक्राउ परेका छन्। नेपाल प्रहरी सुदूरपश्चिम प्रदेशका प्रवक्ता एसएसपी मुकेश सिंहले भागरथी घटनामा उनकै भाई नाता पर्ने र भागरथीले पढ्ने विद्यालय सनातन धर्म माविमा कक्षा ११ मा अध्ययनरत दिनेश भट्टलाई पक्राउ गरिएको बताए।
घटनाको दिन दिनेश खोचलेकदेखि भागरथीसँगै घर आएको थाहा पाएपछि प्रहरीले उनीमाथि पछिल्ला चार दिनदेखि अनुसन्धान केन्द्रित पारेको थियो। मंगलबार मात्रै दिनेशले, घटनास्थलमा पहिला लडाएर घाइते बनाएको र त्यसपछि बलात्कार गरेको साविति बयान दिएका प्रहरी प्रवक्ता सिंहले बताए।
दिनेशले रिसिईबीका कारण भागरथीको हत्या गरेको बयान दिएको प्रहरीले जनाएको छ। प्रहरीले, दिनेशलाई चार दिनदेखि खोचलेक प्रहरी चौकीमा बोलाउँदै बेलुकी छोड्दै गरेपनि मंगलबार मात्र पक्राउ गरेको थियो।
प्रतिक्रिया दिनुहोस !
