किंशासा : प्रजातान्त्रिक गणतन्त्र कंगोमा इटालीका राजदूतको हत्या भएको छ । कंगोको पूर्वी क्षेत्रमा भएको आक्रमणमा सोमबार उनको हत्या भएको अन्तर्राष्ट्रिय सञ्चार माध्यमले जनाएका छन् ।
४३ वर्षीय राजदूत लुका अटानासियो राष्ट्रसंघको विश्व खाद्य कार्यक्रक्रमसँग आवद्ध टोलीमा सामेल भएका बेला आक्रमण भएको थियो । आक्रमणमा घाइते भएका उनको अस्पतालमा निधन भएको हो । आक्रमणमा इटालीका एक प्रहरी अधिकारी पनि मारिएका छन् ।
आक्रमण भिरुंगा राष्ट्रिय निकुञ्जमा ६ जनाको समूहले गरेको बताइएको छ ।
कंगोको विदेश मन्त्रालयले उक्त घटनाको पुष्टि गर्दै घटनाप्रति दुःख प्रकट गरेको छ ।
‘इटालियन राजदूतको आज गोमामा निधन भएको गहिरो दुःखकासाथ विदेश मन्त्रालय पुष्टि गर्दछ’, मन्त्रालयले निकालेको विज्ञप्तिमा भनिएको छ ।
प्रतिक्रिया दिनुहोस !
