विराटनगर : सरकारद्वारा सरकार (जी टु जी)ले निर्यात गर्ने रासायनिक मल भित्रिएपछि विराटनगरस्थित कृषि सामग्री कम्पनी लिमिटेडको प्रादेशिक कार्यालयम मल भण्डारणको समस्या हुने भएको छ। नेपाल सरकारले बंगलादेशसँग मंगाउने रासायनिक मल युरिया भित्रिएपछि विराटनगरस्थित कृषि सामग्री कम्पनी लिमिटेडको प्रादेशिक कार्यालयमा भण्डारण गर्ने समस्या हुने भएको हो।
कार्यालयका प्रादेशिक प्रमुख नवरत्न गौतमका अनुसार कृषि सामग्री कम्पनी लिमिटेडको भण्डारण गर्ने क्षमता करिब ६ हजार ७ सय मेट्रिक टन रहेको छ। प्रादेशिक कार्यालयको विराटनगरमा अहिले ३२ हजार ४ सय १३ बोरा –m१६२० दशमलव ६५० मेट्रिक टन युरिया ३४ हजार ९ सय ३२ बोरा ( १७४६ दशमलव ६ मेट डिएपी र १८ हजार २ सय ७ बोरा –९१० दशमलव ३५० मेट पोटास भण्डारण रहेको छ।
प्रदेश १ भरीमा ४३ हजार ५सय ९२ बोरा युरिया, ८७ हजार ८ सय २९ बोरा डिएपी र २० हजार ९ सय ९७ वोरा पोटास भण्डारण रहेको सो कार्यालयले जनाएको छ। तर सरकारद्वारा सरकार (जी टु जी) बंगलादेशबाट निर्यात गर्ने रासायनिक मल डिएपी भारत हुँदै ७ हजार ५ सय मेट विराटनगरको प्रादेशिक कार्यालयमा आएको जनाएको छ। तीन चरणमा जोगवनी हुँदै सो मल प्रादेशिक कार्यालयमा आएको हो। अब केहि दिनमा नै युरिया १२ हजार ५ सय मेट्रिक टन आउने छ।
वर्तमान अवस्थामा लगाइने खेतीको लागि चाहिने रासायनिक मल प्रयाप्त रहेको प्रमुख गौतमले जानकारी दिए। उनले अहिले किसानले लगाउने मकै, तरकारीसँगै गहुँमा लगाउने दोस्रो पटकको युरिया पनि प्रयाप्त रहेको उनले दावी गरे। विराटनगरस्थित रहेको प्रादेशिक कार्यालयको भोजपुर, तेहथुम, सुखुवासाभामासमेत मल बिक्रि वितरण गर्दे आएको जनाएको छ।
प्रतिक्रिया दिनुहोस !
