नाइजर: नाइजेरियामा अपहरणमा परेका २७९ जना स्कुले बालबालिकाहरु रिहा भएका छन् । र अहिले उनीहरु सरकारको निगरानीमा राखिएका छन् ।
गत शुक्रबार उत्तरी राज्य जाम्फारास्थित एक बोर्डिङ स्कुलबाट उनीहरु अपहरणमा परेका थिए । 'केटीहरु स्वतन्त्र भएको खबर सुनाउन पाउँदा म खुसी छु । उनीहरु अहिले भर्खरै सरकारकी भवनमा आइपुगे । र उनीहरुको स्वास्थ्य ठीक छ' डा बेल्लो मतवालेले बताए ।
स्थानीय मिडियाका अनुसार हिजाब लगाएका सयौँ छात्राहरुलाई सरकारी भवनमा सरकारी निगरानीमा राखिएको छ । सरकारी अधिकारीहरुले प्रारम्भिक चरणमा ३१७ छात्राहरु सयौँ हतियारधारी समूहले अपहरण गरेको जनाएका थिए ।
तर मतवालेले अपहरणमा परेका छात्राहरुको जम्मा संख्या २७९ मात्रै भएको बताए । उनले उनीहरु आफूहरुसँगै सुरक्षित भएकोमा अल्लाहलाई धन्यवाद दिए ।
नाइजेरियामा यसअघि पनि सयौँ स्कुले बालिकाहरु हतियारधारी समूहबाट अपहरणमा परेका थिए । गत डिसेम्बरमा ३ सय भन्दा बढी बालबालिकाहरु कंकारास्थित स्कुलबाटै अपहरित भएका थिए । तर उनीहरु पछि सुरक्षित रुपमा रिहा भए भएका थिए ।
यसरी विभिन्न समयमा हतियारधारी समूहबाट अपहरणमा परेका केही स्कुले बालबालिकाहरु अझै वेपत्ता नै छन् । नाइजेरियामा दशकौँदेखि सक्रिय जिहादीहरुले ठूलो संख्यामा स्कुले बालबालिकाहरुलाई अपहरण गरेका छन् ।
प्रतिक्रिया दिनुहोस !
