बाटो काट्दै गरेकी वृद्धाको मोटरसाइकलको ठक्करबाट मृत्यु
फागुन २१, २०७७ शुक्रबार १०:५७:०
बर्दिबास : मोटरसाइकलको ठक्करबाट महोत्तरीको बर्दिबासमा एक वृद्धाको ज्यान गएको छ । लु ५९ प ३७३५ नम्बरको मोटरसाइकलले ठक्कर दिँदा महोत्तरीको बर्दिबास-३ की ६६ वर्षीया भद्रामाया भुजेलको ज्यान गएको इलाका प्रहरी कार्यालय बर्दिबासका डीएसपी बीरेन्द्र थापाले जनाए ।
बर्दिबासबाट सिन्धुलीतिर जाँदै गरेको मोटरसाइकलाले बिहीबार साँझतिर भुजेललाई बाटो काट्ने क्रममा गौरीडाँडामा ठक्कर दिएको थियो । उपचारका लागि काठमाडौं लाग्दै गर्दा उनको बाटोमै मृत्यु भएको प्रहरीले जनाएको छ।
मोटरसाइकल चालक बर्दिबास- ३ पाटुका २५ वर्षीय युवराज माझी र मोटरसाइकलमा सवार पूर्णिमा माझी घाइते भएका छन् ।
प्रतिक्रिया दिनुहोस !
