काठमाडौं : शंकर अधिकारी घायलको लेखन/निर्देशनमा बनेको चलचित्र ‘मेरो दिल छ पोखरामा’बाट डेब्यु गरेका जाजरकोटका रोशन बीसी अहिले फिल्ममा व्यस्त छन्। ‘रिभेन्ज’बाट आफूलाई पृथक् देखाउने प्रयास गरेको उनले बताए। यो फिल्म जेठको तेस्रो साता रिलिज हुने तयारीसहित छायांकनमा जुटेको छ।
डीएस डिजिटल सिनेमा प्रालिको ब्यानरमा घायलको लेखन/निर्देशन रहेको रिभेन्जको छायांकन सुनसरी आसपासका क्षेत्रमा गरिएको छ। फिल्ममा अधिकांश नयाँ कलाकारको अभिनय छ। रिभेन्जबाट नरगिस थापा ‘रेनु’, माया चाहर र सरु बरालले डेब्यु गर्दै छन् भने रवीन श्री, विशाल अग्रवाल, गंगा कुँवर, आर जे भिलेन, पदम सुनार, पुष्पराज नेपाल र खरो खगेन्द्रको अभिनय रहनेछ। फिल्ममा कृष्ण पाण्डेको छायांकन, देव महर्जनको द्वन्द्व राजन महर्जनको नृत्य सानु हबिकको ड्रोन रहेको छ भने पुष्पराज नेपालको निर्माण रहनेछ।
शंकर अधिकारी घायलको गीतमा सीएल शर्मा, शंकर अधिकारी घायल, पूर्ण सापकोटाको संगीत छ भने नित्याशिवा, पूर्ण सापकोटा र पदम सुनारको स्वर रहेको छ।
प्रतिक्रिया दिनुहोस !
