काठमाडौं : डेब्यू गीत ‘सुनन’बाट दर्शकको मन जित्न सफल गायक हुन् सुशील श्रेष्ठ ‘जुजुु’ । गायक जुजुुले चर्चाकाबीच बजारमा ल्याएको नयाँ गीत माइतीको आँगन रिलिज भएको छ ।
युवा युवतीले गर्ने प्रेमलाई कलात्मक शैलीमा देखाइएको गीतको शब्द संगीत संगीतकार दीपक शर्माका हुन् ।
रोमान्टिक जनरामा व्याङ्ग्यात्मक शैलीमा तयार पारिएको माइतीको आँगन आचार्य गोपालको निर्देशनमा तयार भएको भिडियो हो ।
जसमा प्रेमीले आफ्नी प्रेमीका पाउनका लागि अपनाउने हरेक उपायलाई रोमान्टिक शैलीमा देखाइएको छ ।
उदयराज पौडेलको एरेन्ज रहेको गीतमा उषा र विनोदका अलावा काजीबहादुर श्रेष्ठ, आयुष रिजाल, जीवन तामाङ, कान्छी नगरकोटीको अभिनय देख्न सकिन्छ।
उत्सव दाहालको छायांकन रहेको गीतको कलर र सम्पादन विकाश दाहालको रहेको छ भने केशवराज भट्टको कोरियोग्राफी रहेको छ ।
पछिल्लो समयका निर्देशक प्रकाश धिताल क्रियटिभ निर्देशक रहेको गीतको निर्माताका रुपमा सरोज श्रेष्ठ रहेका छन्।
गायक जुजुको आफ्नै च्यानलबाट बजारमा ल्याइएको भिडियो बजारमा आएसँगै राम्रो प्रतिक्रिया आएको निर्माण युनिटले जनाएको छ ।
प्रतिक्रिया दिनुहोस !
