खेल

धुलोसँग खेल्न नपाएका वृद्ध बालकहरू 

बलियो नबनाएसम्म आफ्नो भविष्य
उनीहरू खेलको अन्त्य गर्ने छैनन्
यता आत्तिएका श्रमजीवी कमिलाहरू
गोलबद्ध हुँदै लागिपरेका छन् 
खाली गर्न सडक
जहाँबाट हिड्नु छ साँझबिहान
बालबच्चाको गोजेरो भर्न 
आङभरि मखमली भविष्यको
प्वाँख हालिदिन
जो एक दिन जानेछन् नाघेर
भूगोलको उपल्लो किनार
 
बेफुर्सदी छन् राजनेता 
आआफ्नो इगोको डफली बजाउन
जोगाउनु छ जसरी पनि कुर्सी 
यसरी नै वृद्ध बालकहरू 
बेला कुबेला प्रदर्शन गर्छन्
नानाथरीका खेलहरू !