काठमाडौं : सौरभ इन्टरटेन्मेन्ट र बालाली इन्टरटेन्मेन्टको ब्यानरमा निर्माण भएको चलचित्र ‘मनसँग मन’को प्रदर्शन मिति पोस्टपोन्ड गरिएको छ।
कोरोनाको केस बढ्न थालेपछि स्वास्थ्य मन्त्रालयले भीडभाड नगर्न आग्रह गरिसकेको छ। सरकारले हलमा लागू गरेको ५० प्रतिशत अकुपेन्सी पनि हटाएको छैन। यसैले चैत २७ गतेलाई तोकिएको चलचित्रको प्रदर्शन मिति स्थगित गरिएको निर्माण पक्षले बताएको छ। चलचित्रको नयाँ मितिका लागि वितरकसँग छलफल भइरहेको छ।
चलचित्रको प्रदर्शन मितिपछि सारिए पनि यसको फस्टलुक भने सार्वजनिक गरिएको छ। चलचित्रको फस्टलुकमा मुख्य कलाकारहरू नायक पुष्प खड्का र नायिका वर्षा शिवाकोटीलाई रोमान्टिक अवतारमा देखाइएको छ।
चलचित्रमा बुद्धि तामाङ, चाँदनी प्रधान, महेन्द्र बागदास, सन्ते दाको अभिनय छ। साथमा, चलचित्रको एक गीतमा नायक पल शाह र नायिका पूजा शर्माले नृत्य गरेका छन्।
प्रतिक्रिया दिनुहोस !
