काठमाडौं : गीतकार तथा संगीतकार सिएल शर्मा र गायक सुरेन चन्दको सहकार्यमा ‘कस्तो सुहाको फुली’ बोलको गीतको भिडियो सार्वजनिक भएको छ।
गायक चन्द र गायिका विशाखा शाहीको स्वरमा रहेको कस्तो सुहाको फुली बोलको गीतमा शब्द र संगीत सिएल शर्माको रहेको छ।
साहस शाक्यको एरेन्ज रहेको गीतमा चर्चित नायक पल शाह र सुधीर श्रेष्ठसँगै जुम्ल्यहा दिदीबहिनी प्रिज्मा प्रिन्सी खतिवडाको अभिनय रहेको छ।
वैशालु उमेरमा जानेर नजानेर गर्ने प्रैम र प्रेमी प्रेमीकाले गर्ने मिठा मिठा कुराहरुलाई गीतकार शर्माले रोमान्टिक शैलीमा लेखेका छन्।
प्रिज्मा, प्रिन्सीसँग सुधीर र पलको रोमान्टिक अभिनयलाई भिडियोमा हेर्न सकिन्छ। शान थापाको निर्देशनमा तयार भएको गीतको भिडियोको कोरियोग्राफी राजीव समिरको हो। सुप्रिम पराजुलीको सम्पादन तथा कलरिगं रहेको भिडियोको छायांकन अर्जुन तिवारीले गरेका हुन्।
प्रतिक्रिया दिनुहोस !
