बागलुङ : बागलुङ बजारको एक फर्निचर उद्योगमा आगलागी भएको छ ।
बागलुङ नगपालिका–३ गुठीमा रहेको सिर्जना फर्निचर उद्योगमा आगलागी हुँदा फर्निचरका सबै सामान पूर्ण रुपमा जलेर नष्ट भएको छ ।
राति २ बजेदेखि लागेको आगो प्रहरी र स्थानीयको सहयोगमा बागलुङ, पर्वत र म्याग्दीबाट दमकल झिकाएर विहान मात्रै नियन्त्रणमा लिइएको छ । आगलागीबाट फर्निचर उद्योगमा १५ लाख बढीको क्षति भएको जिल्ला प्रहरी कार्यालय बागलुङका प्रहरी नायव उपरीक्षक इकवाल हवारीले जानकारी दिए ।
आगलागीबाट फर्निचरसँगै जोडिएका डम्बरबहादुर कार्कीको घरको झ्याल ढोका लगायतको दुई लाख र सोही घरको दोस्रो तलामा डेरा गरी बस्ने लालबहादुर थापाको १ लाख ५० हजार बराबरको सामान नष्ट भएको डिएसपी हवारीले बताए।
आगलागीमा परेर घाइते भएका बागलुङ नगरपालिका १३ बलेवा घर भएर फर्निचर सञ्चालन गर्दै आएका बिराज हरिजन र स्थानीय डम्बर कार्कीलाई धौलागिरी अस्पतालमा उपचारका लागि लगिएको छ । उनीहरुको अवस्था मध्यम रहेको जिल्ला प्रहरी कार्यालय बागलुङले जनाएको छ ।
आगलागी के कति कारणले भएको खुल्न नसकेको र अनुसन्धान सुरु गरिएको हवारीले जानकारी दिए ।
प्रतिक्रिया दिनुहोस !
