बुटवल : बुटवलको कोरोना विशेष अस्पतालमा उपचार गराइरहेका तीन बिरामीको मृत्यु भएको छ। रामनगरस्थित बुटवल धागो कारखानामा रहेको अस्पतालमा उनीहरुको आइसियुमा उपचार भइरहेको थियो।
अर्घाखाँचीको मालारानी गाउँपालिका वडा नम्बर ५ निवासी ७९ वर्षीया महिला, रुपन्देहीको तिलोत्तमा नगरपालिका वडा नम्बर १ की ७१ वर्षीया महिला र कपिलवस्तुको वाणगंगा नगरपालिका वडा नम्बर ३ का पुरुषको मृत्यु भएको हो।
अस्पतालका सूचना अधिकारी डा. विष्णु गौतमका अनुसार तीनै जनाको सोमबार बिहान निधन भएको हो। तिलोत्तमाकी महिलामा चैत २३ गते अस्पतालमा भर्ना भएकी थिइन्। उनमा निमोनिया, दम र ज्वरो देखिएको थियो।
कपिलवस्तुका पुरुष र अर्घाखाँचीकी महिला चैत २७ गते अस्पतालमा भर्ना भएका थिए। उनीहरुमा दम ज्वरो र निमोनिया देखिएको थियो। पुरुषमा मधुमेह समेत रहेको थियो।
केही समय सुनसान बनेको बुटवलको कोरोना विशेष अस्पतालमा अहिले बिरामी बढ्दै गएका छन्।
प्रतिक्रिया दिनुहोस !
