मायालुलाई भेट्नलाई गाँसै छोडी आएँ म,
माया भने किन हो छेउमै नआउने,
कर्णप्रिय आवाजका धनी गायक शिशिर योगीको नयाँ गीत ‘माया छेउमै नआउने’सार्वजनिक भएको छ । गीतका रचनाकार हरिहर तिमिल्सिना हुन् । यसमा सङ्गीत र स्वर शिशिरको रहेको छ ।
शिशिरले राष्ट्रिय भाव, करुण रस प्रधान, सामाजिक चेतना र जागरणका गीत गाउने गायकको परिचय बनाए शिशिरले यसपटक भने नयाँ शैलीको गीत लिएर आएका हुन् ।
यस गीतमा लोक शैली र आधुनिक शैलीको फ्युजन गरिएको छ । गीत पूर्ण रुपमा रोमान्टिक एवम् मनोरञ्जनमूलक छ । उक्त गीतको म्युजिक भिडियो शिशिरकै च्यानलमार्फत सार्वजनिक भएको छ ।
सुरेश शाहीले एरेन्ज गरेको गीतमा सुरेन्द्र बसेलको कोरियोग्राफीमा सुधिर श्रेष्ठ र याङ्सु श्रेष्ठको अभिनय रहेको छ भने वीरेन्द्र भाट विपीनले यसको निर्देशन गरेका हुन् ।
प्रतिक्रिया दिनुहोस !
