काठमाडौं : गायक अनीष भण्डारीको नयाँ गीत ‘चरीले’ भिडियोसहित सार्वजनिक भएको छ। राजन तिमिल्सिनाद्वारा संगीतबद्ध यो गीतमा गायक स्वयंले नायक पल शाह र मोडल गीता ढुंगानासँग अभिनय गरेका छन्।
लोकपप मेलोडी ‘चरीले’ को भिडियोलाई सान थापाले निर्देशन गरेका हुन् भने राजीव समरले कोरियोग्राफी गरेका छन्। भिडियामा अर्जुन तिवारीको छायांकन तथा सुप्रिम पराजुलीको सम्पादन छ।
यसअघि गायक भण्डारी र गायक सुगम पोख्रेलको संयुक्त गीत ‘ताली ठोकौँला’ दर्शक श्रोतामाझ लोकप्रिय भएको थियो। यस पटकको गीत ‘चरीले’बाट पनि गायक भण्डारीले उत्तिकै आशा लिएका छन्।
‘पहिले जसरी नै यो गीतबाट दर्शक श्रोताको साथ पाउनेछु भन्नेमा आशावादी छु। लोकपप मेलोडीमा रहेको यो गीत र यसको भिडियो अहिलेको चलनचल्ती अनुसार तयार गरिएको छ’, उनले भने,। यो गीतमा अभिनयसमेत गरेका भण्डारीले आगामी दिनमा अभिनयमा आफूलाई अघि सार्ने योजना रहेको बताए। यो गीतको भिडियो युट्युबलगायत अन्य अडियोका डिजिटल प्लाटफर्ममा उपलब्ध छ।
प्रतिक्रिया दिनुहोस !
