नयाँ दिल्ली : भारतमा कोरोना संक्रमण झन तीव्र बनेको छ ।
तीव्र संक्रमणले हरेक दिन नयाँ रेकर्ड कायम गरिरहेको छ । यसैबीच पछिल्लो २४ घण्टामा ४ लाख १ हजार ९९३ नयाँ संक्रमित थपिएर हालसम्म एकैदिन उच्च संक्रमण हुने नयाँ रेकर्ड कायम गरेको छ ।
योसँगै भारतमा संक्रमित हुनेको संख्या १ करोड ८७ लाख ६२ हजार ९७६ पुगेको छ ।
यसैगरी मृत्यु दर पनि उच्च रहेको छ । भारतको स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा ३ हजार ५२३ कोरोना संक्रमितको मृत्यु भएको छ । योसँगै भारतमा कोरोनाबाट मृत्यु हुनेको संख्या २ लाख ११ हजार ८५३ पुगेको छ ।
कोरोनाको नयाँ प्रकारसहित दोस्रो लहर चलिरहेको भारतमा अहिले ३२ लाख ६८ हजार ७१० सक्रिय संक्रमित रहेका छन् ।
प्रतिक्रिया दिनुहोस !
