काठमाडौं : यो जुनीमा तिम्रो बोलको गीत बजारमा ल्याएर चर्चा कमाए लगत्तै गायक छवि न्यौपानेले अर्को गीत ‘कुल्ची हिँड्छन् फूललाई’बोलको म्युजिक भिडियो सार्वजनिक गरेका छन्।
अमेरिकाको सिनसिनाटी ओहायो राज्य निवासी गायक न्यौपानेको कदर एल्बममा समावेश भएको गीत ‘कुल्ची हिँड्छन् फूललाई’को म्युजिक भिडियो सार्वजनिक भएको हो।
खेम रिजालको शब्दमा सजिएको गीतमा कर्मा ग्यान्चेन बम्जनको संगीत रहेको छ। भिडियोमा माया गर्ने प्रेमीको मायाको सम्मान नगरी अर्कोसँग लागेपछिको क्षणिक सम्बन्धलाई देखाइएको छ।
म्युजिक भिडियोलाई अभिनेता सुवास थापाले निर्देशन गरेका हुन्। अमेरिकाका विभिन्न पर्यटकीय स्थलमा छायांकन गरिएको भिडियोमा सुवास थापा, बिनीता खड्का थापा, सिइला, प्याट्रिक र कृष्टिनको अभिनय देख्न सकिन्छ। भिडियोमा बिनीता खड्का थापाको कोरियोग्राफी रहेको छ। भिडियोमा सुवास र विनिताको कलात्मक अभिनयको धेरैले चर्चा गरेका छन्।
प्रतिक्रिया दिनुहोस !
