काठमाडौं : समय २१औं शताब्दीमा पुगिसक्यो तर नेपालमा अझै पनि जातपातलाई लिएर विभेद जारी नै छ। कानुनी रूपमा यसलाई गलत मानिएपनि व्यावहारिक रूपमा समाजबाट यो विस्थापित गराउन सकिएको छैन।
यस्तैयस्तै कथा विषयवस्तुलाई लिएर निर्माण गरिएको मर्मस्पर्शी गीत ‘नियतिको खेल’ को म्युजिक भिडियो सार्वजनिक भएको छ।सुमन बस्नेत र मुना कुमालको स्वरले सजिएको गीतमा जशोदा कार्की, ध्रुव कोइराला र विक्रम बुढाथोकीको अभिनय देख्न सकिन्छ भने भिडियोलाई क्रान्ति केसीले निर्देशन गरेका छन्।
गीतमा राजेन्द्र रावतको शब्द, कृष्ण बाजुरालीको संगीत, एरेन्ज र मिक्सिङ रहेको छ भने भिडियोको छांयाकन अजय रेग्मी र सम्पादन निर्देशक केसीले गरेका छन्। भिडियोलाई सुनील बीसीको अफिसियल युट्युब च्यानलमार्फत सार्वजनिक गरिएको छ।
भिडियो
प्रतिक्रिया दिनुहोस !
