दाङमा कोरोनाबाट एकैदिन आठजनाको मृत्यु
दाङ : कोरोना संक्रमणबाट एकै दिन आठजनाको मृत्यु भएको छ । बेल्झुन्डी कोरोना विशेष अस्पतालमा उपचाररत आठजनाको मृत्यु भएको अस्पतालका व्यवस्थापक दोर्ण ओलीले जानकरी दिए । तुलसीपुर उपमहानगरपालिका वडा न १९ , ६ , १७,१२,४ का क्रमश : ५२ वर्षीय पुरुष र ७६ वर्षीय पुरुष, ५० वर्षीया महिला ,२७ वर्षीय पुरुष, ७० वर्षीया महिला गरी २ जना महिला र ३ पुरुष गरी ५ जना र घोराहि उपमहानगरपालिका वडा न १३का ४४ वर्षीय पुरुष , गढवा गाउँपालिका ४ का २५ वर्षीय पुरुष र दगीशरण गाउँपालिका ०३ का ३१ वर्षीय पुरुषको मृत्यु भएको हो ।
अहिले अस्पतालमा अक्सिजनको अभाव देखिएको छ । अक्सिजन अभावले मृत्यु दर बढेको अस्पतालले जनाएको छ । यो संख्या अहिलेसम्मकै बढी हो।