काठमाडौं : साहित्यकार तारा लिम्बुको ‘आधा लैजाऊ तिमी माया आधा लिन्छु मैले’को भिडियो सार्वजनिक गरिएको छ।
साहित्यको क्षेत्रमा लामो समयदेखि कलम चलाउँदै आएकी गीतकार ताराको नयाँ गीतमा गायक राजेश पायल राईको स्वर रहेको छ।
गीतमा कम्पोज तथा एरेन्ज सविन लिम्बुको रहेको छ। गीतको भिडियोमा अमित सुब्बा र क्रिन्चा राईको अभिनय देख्न सकिन्छ। भिडियोको छायांकन बेलायतका रमणीय स्थानहरुमा गरिएको छ।
भिडियोमा प्रेम र रोमान्सका रोमान्टिक दृश्यलाई फिल्मी शैलीमा तयार पारिएको छ। जसमा आफ्नी मायालुलाई फकाउन प्रेमीले भावी जीवनका सपना देखाएका छन्।
सार्वजनिक भिडियोमा कोरियोग्राफी तथा मेकअप दिपिका श्रेष्ठको रहेको छ। जसमा रंग संयोजन नवीन निरौलाको रहेको छ। जसको निर्देशन बेलायतमा रहेर एक दशकभन्दा लामो समयदेखि पत्रकारिता र म्यूजिक भिडियो निर्देशनमा ब्यस्त संचारकर्मी तथा निर्देशक कुशल श्रेष्ठले गरेका हुन्।
३ दर्जन बढी म्यूजिक भिडियोको निर्देशन, सम्पादन र छायांकन गरिसकेका निर्देशक श्रेष्ठ परवासमा रहेर पनि सबैभन्दा धेरै म्यूजिक भिडियो निर्देशन गर्ने निर्देशकका रुपमा पनि परिचित छन्।
बेलायतमा कोरोना महामारी बढीरहेको समयमा उनले आफ्नो समय अनुकुलतामा निरन्तर भिडियोका कामहरु गरि नै रहे। हरेक महिना जस्तो नै उनका एकपछि अर्को भिडियोहरु बजारमा आइरहेका बेला कुशलले निर्देशन गरेको पछिल्लो भिडियो हो। भिडियो सबिन लिम्बुको युट्यूव च्यानलमा हेर्न सकिन्छ।
प्रतिक्रिया दिनुहोस !
