गुल्मी : आफ्नै मिल्ने साथीबाट गुल्मीमा एम्बुलेन्स चालकमाथि कुटपिट भएको छ । नेपाल रेडक्रस सोसाइटी जिल्ला शाखा गुल्मीका एम्बुलेन्स चालक २८ वर्षीय लालबहादुर खत्रीमाथि कुटपिट भएको हो ।
रेडक्रसका चालक भएपनि उनले त्यस दिन भुपू सैनिकको एम्बुलेन्स चलाएका थिए । जिल्ला प्रहरी कार्यालय गुल्मीका सूचना अधिकारी एवं प्रहरी नायव उपरीक्षक पुरुषोत्तम प्रसाद पाण्डेले उनीहरु नजिकका साथीहरु भएको खुलेको जानकारी गराए । रेसुंगा नगरपालिका १ धागीथुमका ३० वर्षीय सागर बोहोराले मंगलबार राति कुटपिट गरेर फरार भएको पाण्डेले बताए । फरार बोहोराको खोजी कार्य जारी रहेको छ ।
घाइते चालकको टाउकोमा गम्भीर चोट लागेको छ । जिल्ला अस्पतालमा उपचारपछि उनलाई थप उपचार गराउन पाल्पा पठाइएको छ । उनीहरुबीच पुरानो कुनै रिसिइवी नभएको र तत्कालै कुनै विषयमा विवाद हुँदा झगडा भएको हुनसक्ने प्रारम्भिक अनुसन्धानबाट खुलेको डिएसपी पाण्डेले बताए ।
प्रतिक्रिया दिनुहोस !
