ब्राजिलमा कोरोनाबाट एकैदिन एक हजार बढीको मृत्यु
ब्राजिलमा कोभिड-१९ को संक्रमणबाट एकैदिनमा एक हजारभन्दा बढीको ज्यान गएको बताइएको छ । ब्राजिलका स्वास्थ्य अधिकारीहरुले दिएको समाचारअनुसार त्यहाँ गत २४ घण्टामा १ हजार १० जनाको कोरोना भाइरस संक्रमणबाट निधन भएको हो । यो सँगै ब्राजिलमा अहिलेसम्ममा ज्यान जाने व्यक्तिको संख्या ४ लाख ७४ हजार भन्दा बढी पुगेको बताइएको ब्राजिलका स्वास्थ्य अधिकारीहरुले जानकारी दिएका छन् । गत २४ घण्टामा ब्राजिलमा ३७ हजार ३२६ जना थप व्यक्तिमा कोरोना भाइरस संक्रमण देखिएको पनि स्थानीय समयानुसार सोमबार जानकारी दिइएको छ ।
यो संख्या सँगै ब्रालिजमा कूल सक्रमितको संख्या यहाँका १ करोड ६९ लाख भन्दा बढी पुगेको पनि स्वास्थ्य क्षेत्रका अधिकारीहरुले जनाएका छन्।
ब्राजिलको स्वास्थ्य मन्त्रालयले सोमबार दिएको जानकारीमा पछिल्लो समयमा मृत्यु हुनेहरुको संख्या केही घटिरहेको भए पनि उल्लेख्य मात्रामा भने घट्न सकेको छैन।
कोरोनाको नयाँ प्रजातिको भाइरसको देखिएपछि पछिल्ला केही महिनामा संक्रमितहरु झन् बढ्न थालेका छन् । ब्राजिलका स्वास्थ्य अधिकारीहरुले दिएको जानकारीअनुुसार यहाँका प्रति एक लाख संक्रमितहरुमा २२५ जनाको ज्यान जाने गरेको छ ।
ब्राजिलको साओ पाओलो शहर शुरुदेखि नै यो संक्रमणको एक किसीमले केन्द्रबिन्दुको रुपमा रहेको पनि पाइएको छ । यस शहरका स्वास्थ्य संस्थाहरु भरिएका छन् भने ती संस्थाका आकस्मिक कक्षहरु पनि भरिएका पाइएको छ । ब्राजिल संयुक्त राज्य अमेरिकापछि सबैभन्दा बढी नागरिकको ज्यान जाने देशमा पर्दछ ।