दमौली : मोटरसाइकल दुर्घटनामा परी एक सैनिक जवानको तनहुँमा ज्यान गएको छ । पोखरा महानगरपालिका २४ स्थित घरबाट झापाको ११ नम्बर बाहिनी जान हिंडेका सैनिक जवान प्रदीप भट्टराईको तनहुँको सुक्लागण्डकी नगरपालिका ७ मालेबगरमा भएको मोटरसाइकल दुर्घटनामा परी ज्यान गएको हो ।
ग.१४ प ७२०१ नं को मोटरसाइकललाई पोखरातर्फ जाँदै गरेको ना.७ ख ११६८ नं को कन्टेनरले ठक्कर दिँदा घाइते भएका थिए। उनको उपचारका क्रममा स्थानीय जीपी कोइराला राष्ट्रिय श्वासप्रस्वास उपचार केन्द्रमा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक अरुण पौडेलले जानकारी दिए । प्रहरीले कन्टेनर चालकलाई नियन्त्रणमा लिइएको जनाएको छ ।
प्रतिक्रिया दिनुहोस !
